ارحل يا ربيع عن بيتنا
ده قدومك ضيع ثورتنا
حتى أزهارك أكلتنا
وربيعك زود شكوتنا
قــوللى يا ربيـــع
يا أبـو جـــو بـديـع
ليه الأحــلام مننا بتضيع
ليه الثوار كانوا أحرار
ومع الأيـام أصبحوا أشرار
حــتى الأزهــار
محروقة فى النار
والحــق بيصرخ وينادى
مقتول مـ التار
والحــل فى دايرة مقفولة
مليان أســرار
يا ربيع احتارنا فى فصولك
ما تجيش أرجوك كتر خيرك
قضينا العمر لقدومك
جيتنا بالنار
قوللى يا ربيع يا أبو جـو بديع
ليه الثوار أصبحو أشرار
والحاكم أصبح محكوما
وعتاب ومعاه اللوم
والكل أصبح متهنى
إنه مقسوم
ارحل يا ربيع ثورتنا
يمكن فى الصيف
تيجى راحتنا
والحر يطهر سكتنا
أصل المسألة مش ثورتنا
كل المشكلة سوء نيتنا
وضماير تحلف وتحاير
تقسم بالله
ويبات مظلوم ويشاور
وإيديه مغلولة فى أساور
وعيونه بكاها يا ناس حاير
من قولة آه
والباطل فايز الظاهر
والحق معاه
والدولة صبحت مش دولة
هدوها وخدوها مقاولة
والشعب الشاطر بأه أعمى
والعند عنده بالجملة
معقولة الثورة بأت عـورة
والدم سكر وفرولة
يا خسارة الناس المحترمة
لا ليها حول ولا قوة
صمت الخزيان
صورة أرشيفية
مشاركة
اضف تعليقاً واقرأ تعليقات القراء
مشاركة
