راضى على الطهطاوى يكتب: تفرق إيه ؟!

تفرق إيه؟!
أنت أحمد ولا َّ مينا = هيَّه تفرق عندى إيه؟!
كلنا راكبين سفينه
وحلمنا باصين عليه
لمَّا واحد يبكى فينا
كلنا نمسح عنيه
أنت أحمد ولا َّ مينا = هيَّه تفرق عندى إيه؟!
مش هيفرق عتدى اسمك
ولا ّ دينك إيه يكون
مش هيفرق عندى رسمك
ولا ّ شكلك أى لون
أنت أحمد ولا َّ مينا = هيَّه تفرق عندى إيه؟!
كلنا من جنس أدم
أصلنا صلصال وطين
أنت مصرى زى زيَّك
نبقى ليه متفرقين؟!
أنت أحمد ولا َّ مينا = هيَّه تفرق عندى إيه؟!
اسالوا نقش الزمان
واللى ناسى فكروه
دا الوطن حضن الأمان
ليه يا ناس بتعكروه
أنت أحمد ولا َّ مينا = هيَّه تفرق عندى إيه؟!