علاء عبد الفتاح: المليونيات والاعتصامات كفيلة بإسقاط "الإخوان"

أكد الناشط السياسى علاء عبد الفتاح، أن الملايين المتواجدة فى الشارع، والإضرابات والاعتصامات الفئوية، كفيلة بأن تسقط نظام جماعة الإخوان المسلمين، مضيفا: "أيوه محدش هيسقط سلطة الإخوان إلا الملايين فى الشوارع والإضرابات والعصيان وباقى أشكال المقاومة الشعبية السلمية، بس الملايين بيتصدر لها خطاب إن الإسلاميين عندهم قوة باطشة خطر على المجتمع كله، المعركة مهمة لأنها بتثبت إن مفيش حاجة يتخاف منها".

وأضاف عبد الفتاح فى تدوينه بثها عبر صفحته الشخصية على موقع التواصل الاجتماعى "فيس بوك" قائلا: "كسر هيبة المنصب والقمع والصندوق والجماعة والدولة ذاتها خطوات ضرورية عشان الجماهير الأوسع تضم كشفا دمويا وعجز السلطة ضرورة عشان الجماهير الأوسع تنتفض".

وتابع عبد الفتاح قائلا "وعى الجماهير بيتشكل فى اختبارات عملية وبيعبر عنه فى ممارسة مش بالكلام، أعداد اللى بيشاركوا فى الاشتباكات، طبيعة تعامل سكان منطقة الاشتباك، تعاطى الناس مع المظاهرات والمسيرات قبل وبعد الاشتباكات دى كلها مؤشرات على مدى جماهيرية الفعل".

واختتم عبد الفتاح قائلا "إن إنكار دور الاشتباك والشغب لا يقل حماقة عن الإصرار على أن مفيش أداة غير الاشتباك والشغب، اللى رافض العنف مبدئيا وبيسعى لبدائل بلا عنف تحقق نفس أهداف كسر الهيبة وكشف الضعف على رأسى من فوق، ده مش بينكر الدور وإنما بيستنكر الثمن وغالبا فى نظره الثمن بعيد المدى مش بس تعداد شهداء ومصابى اليوم".