أشوف الأبيض فى قلوب شعبك والأسود ميبقاش ليه مكان
نفسى أشوفك جنة نفسى فى خيرك نتهنى
نفسى أشوف مالك مش منهوب نصه لحاكم مش مرغوب
مش عاوز اشوف فيكى مظلوم أو واحد لسه جعان محروم
نفسى أشوف فيكى غفير زى امير مش عاوز السلطة تاخد التورته
وإحنا شعب بنسف الملح
نفسى مشوفش فيكى تمييز
مش علشان واحد فى السلطة بتخليه عايش إنسان
طلباته مجابة وحقوقه موجودة مش أحلام..
شقة وعربية ونادى كمان
ومستشفى مينفعش يخشها غلبان والويك اند فى شاليه فى مارينا كمان
ماهى ديه السلطة قصدى السلطة مال ونفوذ
أما الشعب عايش بس حلاوة روح ساكن فى الأوضة سبع أفراد
أو يمكن عشرة ماهى ديه الموضه مغلوب على أمره
ولو دخل المستشفى بيدخل يشكى ويطلع منها بيبكى
خدو منه الكبد أو ممكن قلب ماهو عايش ميت
وهتفرق إيه لو خدو أعضاءه أو من كتر الفقر يبيعها
أما الويك اند ميعرفهوش والنادى مبيشوفهوش غير عالشاشه
اصلوا يا باشا مواطن عادى لا فجيش ولا شرطة ولا يملك سلطة ولا مال
ومعندوش عربية اصل مواصلاته سهله يا باشا
عبارة تغرقنا او قطر يولع بينا او اتوبيس مليان زى السردينة
نفسى يا بلدى اشوفك جنة
امتى الشعب هيشوف خيرك ويعيش فى نعيمك
دوستى علينا بزيادة وحملك فوق العادة
كل حاجة فيكى أزمة بنزين فى أزمة والصحة أزمة
والتعليم مبقاش ليه لزمة برده ازمة
كل حاجه فيكى أزمة وحياتنا مبقاش ليها لزمة
علم مصر
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة