فيسبوك
واتساب
يا أيها الأوغاد يا زُمرة عاد
مفطوم على النيل والأيادى السود
مفطوم ومغرم عنعنه وإسناد
ومهيّأ أقرا الفاتحة م التلمود
مفطوم وجدى معلم الأجداد
إزاى نموت موتة سباع وأسود
مفطوم وساكن تحت ظل بلاد
سايبانى لكلاب السكك والدود
مفطوم وجسم أمى الأصيل ولاد
مفطوم وعاشق مصر خصر وعود
مفطوم وعارف مين بنى الأمجاد
مصر اتبنت بفراعنة مش بهنود
يا أيها الأوغاد يا زمرة عاد
كل العباد جاهزين لقوم ثمود
سعيد حامد شحاتة
