شايلة همّى وأنا كبـير
وبتدعى ليّا كل ما أسير
لو كنت غربة أو تأخير
قلبك يا أمى ورايا يطير
دا أنت يا أمى نبع حنان
**
يا ما سهرتى لحد الفجر
يا ما بكيتى عند الهجر
يا ما شيلتى فوق الحِجر
متوصى عليك بنهى وزجر
قدم الأم دا تحته جنـان
**
قلبك يا أمى كبير وحْنيِّن
وإحنا بنقسى وقلبك ليّن
دايما تدى وفضلك بَيِّن
مهما ادينا ليكى هيّـن
ياما بتدى ف كل زمان
**
أنت سر الحب الكامن
أنت لينا الحضن الآمن
ياما مسحتى لينا دموع
شجرة حب وطارحه فروع
بيعطش قلبك لينا ويجوع
وف فرحتنا يقيدها شموع
موسيقى تعزف نبض كمان
**
حافظة عيونى لما بتكلم
قلبك ينزف لما بتألم
كلمه نصيحه وبسمه تعلم
وتدعى بلهفة يا رب تسلم
مفتوح لكل دعاك بيبان
**
لو مست قلبك صخرة تحن
ملاك بيدى ولا بيِّمن
الرحمه بتمشى جسم وروح
حزنك يقـتل وأنا مجـروح
وأجرى عليك بسرى وأبوح
دا انت الرحمة أديها بتفوح
واللى يقولك أف مُدان
**
انت يا أمى نهر الحـــــب
شرايين قلبك فيه بتصب
أنت غطايا وعشى الدافى
حضنك يا أمى بلسم شافى
مخلص حبك نوعه صافى
إحنا بنهجر نقسى نجافى
تسامحى وتعفى فى كل أوان
دا أنت يا أمى نبع حنان
******
أرشيفية
مشاركة
اضف تعليقاً واقرأ تعليقات القراء
مشاركة
