فيسبوك
واتساب
كبرت ملامحى لكنى ماكبرتش
لسه ف عنيكى طفل باتشــــاقىَ
لفيت كتير وكأنى ماســـافرتش
دايماً لـــروحك روحى مشتاقة
نفسى ارجع اسمع منك الحواديت
نفسى بخــور الفرحة يملا البيت
وتندهيلى ألاقــــى نفســــى جريت
ضحكة عينيـــكى بقلبـى تتلاقــــى
بتزيد حمــــول الدنيا على كتفى
أجـــــــرى عليكى تسندى ميلتى
بتردى غيبتى وتقفى فى صــفى
عمرك ف يوم لاتعبتى ولاميلتى
واخدك حبيبتى وصاحبتى وأمى
ومشـــاركة قلبى فرحتى وهمـى
ريحة دفــــاكى معشقـة ف دمـى
ورضاكــــــى ُزوادى وضُــللتى
مش بس بافتكرك ف يوم عــيدك
دا انا كل لحظة باعيشها فاكراكى
باتـوضى بالمِسْك اما ابوس إيـدك
وبترقــى وجـعى وتعبى بدُعاكــى
بردانه روحى تعالــى دفينـــــى
سمــــــى عليا وامسحـى جبينى
إزاى ها اوفـــى نقطة من دينى
وانا حتة منك عايشة برضاكـى
الشاعر - أشرف الشافعى
