فيه حاجه فى قلبى
بتـئلمنى..
صرخ الوطن جوايا
وقال.. يالله ودعنى
حضر بطاقة سفر
وبحثت عن معنى
حاول يروح شبرا
أو حتى باب النصر
لقى القصور كبرت
لقى الأصول صغرت
حتى البثور وقفت
حتى الحيطان وقعت
حتى الايدين قصرت
حتى الأمال انكسرت
طاطيت ....
وقالت للوطن ...
ملكيش تاشيره
يا بو العيون عيره
حيرتنا فى حبك
وقف الوطن وبايدو مرتعشة
يبحث عن سكة
فيها القلوب بتحن
على بعض ما بتقس
خرج الوطن فى قلبى
يبحث عن "مرسى"
يبحث يمين شمال
أو حتى فوق أو تحت
كان الجواب
لهجات ..
كبيرة..
وصغيرة ..
من جوزة مشروخة
ومتعمرة
وكلام كتير
فى الفاضى والمليان
وناس كتير..
دوشة بلا تأثير
وعجلة مكسورة
متعلقة بقضيبين
ماشية ولا المساجين
يا شعب قول كلمتك..!
ومرة فوق م الغابة
صحصح وفتح
افرد قلوعك وافتح
على الوطن بابك
نظر الوطن حواليه
يبحثلُ عن معنى
ركب الدولار الدرهم
ودا سوا على الريالات
عمم كتير وطرح
اتلفحوا ببرانيط
حاول الوطن لمهم
دفعوه ودا سوا عليه
ويعمل إيه يا حسرة
مع اللى خانوا ا ...
وباعوا... معنى الوطن
بدولار..
ودرهم... وعلقوه بجنيه
صوره - ارشيفيه
مشاركة
اضف تعليقاً واقرأ تعليقات القراء
مشاركة
