أحمد عبد الصبور عبد الله يكتب: والله ومعانا الضبطية

الأربعاء، 20 مارس 2013 07:17 ص

صورة ارشيفية

وخدناها خدناها
الضبطية خدناها
والى معاه الضبطية
يشد أخوه على المديرية
وكام قفا وكام بونيه
فين ياد البطارية
دى نوكيا ياد مش صينية
قال فاكرنا ناس هافيه
افتح يا باشا القضية
ده احنا معانا الضبطية
...
والشديد يشد أخوه
على القسم يله علقوه
ومن رجليه واربطوه
وعلى القفا وعلموه
ايه السبب يا عالم يا هو
ضربنى وجرى قال لأبوه
وبأمر الضبطية انفخوه
...
عاطل وساقط وظيفية
بس معايا الضبطية
زغرطى يلى يا ولية
من غير دبورة ولا طأية
بقيت مسؤل فى الداخلية
والله ومعانا الضبطية
والله ومعانا الضبطية