مايسة مسعود تكتب: رئيس طمعنجى وشعب فلسنجى

طمعنجى مسك الدولة ونسى إن الشعب فلسنجى
طمعنجى كان فاكرها وليمة وفلسنجى كان فاكر هيبقاله قيمة
طمعنجى عامل صفقات مش همه غير الكرسى
فلسنجى مش واخد باله نايم وبيحلم. فى العيش بيفكر.. بكره هيعيش إزاى
وإزاى هيجيب العيش.
طمعنجى أحلامه بتكتر وماسك فى الكرسى اكتر.
مش همه لا بيت خربان ولا غيط ولا صاحب مصنع هيفلس وماشى على الحيط.
ولا همه عيل مش لاقى تعليم وعايش هربان
طمعنجى عاوز يبنى قصور فى مارينا ومش عاوز يدينا غير بس اللقمة. طب شوفنا هبابه يا عم شوية. عمال بتوزع فدائيين طب وده كله لحساب مين اوعى تقول تانى فلسطين.. بلاش تلاعبنا باسم الدين
طمعنجى فاكر الدولة بيته. بيقول إنه بناها وعلاها. وسكن صاحبها جواها. وكل شىء بالإيجار وبالإتاوة. افهم يا فلسنجى مش عاوزه غباوة.