شعبـان حسنــى يكتب: وحياتك يا شهيد هجيب حقـك

فـاكر يا صاحبـى لما كنـا روح واحد، نـازليـن الميـدان وإحنـا مبسـُوطيـن، علشـان يكـون شعارنـا حرية عدالة اجتماعية "الخـوف ما كانـش ليـه إحساس جوانا عارف ليـه؟، لأننا شهداء قبل وصول رصاصة الداخلية فى قلوبنا، فاكر يا صاحبـى لما قولتلك ثورتنا ثورة الحريـة، وأنـت صدقتنـى وإحنا مـوجـودون فى التحرير، وقولنا بصـوت عالى "ثوار أحرار هنكمل المشوار.. هو يمشى.. إحنا مش هنمشى".

أكيد يا صاحبى أنـا فاكرك دائمـا مش ناسيـك صدقنـى ده أنا دمـوعى لن تجف يوميا لأننى أراك فى منامى، وفى واقعى، ولما بنزل التحرير بشوف دمـك قدامى، والله يا صاحبـى زى ما اتجمعنا سوف أطالب بالقصاص من محمد مرسى، ومن محمد بديع، وخيرت الشاطر، وعصام العريان.

فيـن دم صاحبى اللى خلاكم تشوفوا النـور، جربتـوا فقدان أولادكم فى الميدان أكيد لا، عارفيـن ليـه لأنكـم كنـتم فى السجون وصاحبى اللى مـات هو السبب اللى خلاكم تشوفوا النـور أرجوكـم افتكروه، هاتولى القصاص من الداخلية من مبارك من حاكم ظالم من نظام مستبد، فيـنك يا أمى يا أمى يالى ابنـك كان بينـور لينا حياتنا.

أكيد يا أم الشهيد يا أم صديق الكفاح يا أم صديق الحرية والعدالة الاجتماعيـة مش بتنامى، عارفة ليـه لأننا كنا نازلين نسقط مبارك ونظامه، وإحنا فى إيدنا أرواحنا متزعليش منه يا أم الشهيد ابنك هو عصفور فى الجنـة، عمل اللى محدش عمله، نزل قال لا للظلم لا للاستبداد لا للتوريث لا لانتهاك حقوق البشر لا للفساد لا للبطالة لا للفقر، أرجوكى يا أمى مش عايز صحبى وشهيد ثورتى اللى هى ثورة الأمجاد ثورة الحرية ثورة اليوم الموعود ثورة 25 يناير ميشوفش دمعة أم بتنزل من جواها بنار بتنزل بغضب مالوش وصف ليـه، علشان كل النظام والمتهمين بقتل ابنك الشهيُد طلعوا براءة تفتكر يا صاحبى قصدى يا شهيد بأنك مرتاح فى قبـرك ما اظنش.