كريم الشاعر يدعو للاحتشاد أمام مقر الإرشاد بالمقطم

دعا كريم الشاعر الناشط السياسى بحركة كفاية، إلى التجمع أمام مكتب الإرشاد بالمقطم، بعدما تم الاعتداء على نشطاء وصحفيين أمام مكتب الإرشاد.

وقال الشاعر، فى تصريح لـ"اليوم السابع"، إنهم سيتجمعون كل يوم أمام مكتب الإرشاد حتى يتم القصاص لزملائهم الذين تم الاعتداء عليهم من جماعة الإخوان المسلمين قائلا: "مش هنسيب حقنا لحد ما نرد القلم، ومش هنسيب حق اللى اعتدت عليهم الداخلية فى وقفة رد القلم أمام مكتب الإرشاد".

وأضاف الشاعر أن التجمع سيكون غدا بميدان طلعت حرب الساعة 3 عصرا، وأنهم سيقومون بتقسيم أنفسهم إلى مجموعات، ثم التوجه إلى مكتب الإرشاد.

وأوضح الشاعر، قائلا: "قبل ما تقولوا علينا بلطجية وتبعتوا بلجيتكم يبوظوا الفعاليات إحنا مجموعة من النشطاء اللى ضحوا بحياتهم قبل الثورة وبعد الثورة ودائما عندهم نكران للذات، مضيفا إحنا موجودين فى كل محافظات مصر ومش هنسمح للإخوان يسيطروا على الوطن اللى ضحينا علشانه واللى دفعنا دمنا ودم أصحابنا علشانه، وأن الثورة إحنا اللى صنعناها، وإحنا اللى دفعنا من حياتنا أيام وسنين وليالى فى الشوارع والسجون علشان نوصل بيها لبر الأمان، وبعد كده بيسرقها مننا الإخوان وبيسلموها لإرهابيين حماس والأمريكان".