فيسبوك
واتساب
ما كملتش ولا مرة
ف يوم الحلم للآخر
يدوب أمشيله كام خطوة
وألاقى السعد يتأخر
مفيش حاجة وصلتلها
طموحى ضاع من الآخر
وليه الحسرة مليانى
وبفشل ف اللى بَسّعىَ لـٌه
كأن الدمعة أسرانى
ولا حد انشغل باله
وفكْر مرة يرعانى
ولا قال مال أنا وماله
وغيم أسود ملازمنى
معكر صفو أشواقى
وضحكة فيا تألمنى
تلخبط كل أوراقى
وأتوه جوه بحور ظنى
ومالقاش يوم فرح باقى
طريق اليأس مفروش لى
كأن اليأس صار عدوىَ
معاه الحيره بتعيش لى
وترجع بيا ميت خطوة
جبال م الهم بيحوش لى
وإيه ف الدنيا راح يسوىَ
ومادد للزمان إيدى
بصالح كل أحزانى
ولكن ساكنه بوريدى
قساوة صعب تنسانى
وليه يا دنيا بتحيدى
وتعتبرينى أنا الجانى
وناس مهمومة بعيوبى
وغايتها تجيب سيرتى
وامتى يا غيره هتوبى
ويحتاروا كتير حيرتى
وألاقى بكرة محبوبى
يبات جوايا وف صورتى
إلهى وحدك العالم
وعارف كل شىء بيّا
ومظلوم كنت مش ظالم
مكنشى الأمر بايديا
بأمرك بس أكون سالم
بروح طاهرة ومهدية
صورة ارشيفية
