فيسبوك
واتساب
أنا أخوانى.. ومش عجبانى
وها فضل واقف هنا فى مكانى
ولا بتهدد ولا يوم هأبعد
وأيه هايفيد بس سكوتى
لازم أقولها ولوعلى موتى
مش عجبانى أى وزارة
زى عصابة وداخلة مغارة
كله يلوش..كله يكوش
ميغة وعزبة ..أهبش أهبش
مش بالعافية..لازم خبرة
ولا ده قرع ومادد برة
أنا إخوانى..ومش عجبانى
ولا عجبانى فى أى قرار
مع أنكم كنتوا الثوار
باينة وواضحة زى الشمس
أنتوا وبس
إللى يقولكم أى نصيحة
أخرس..هس
وبالسياسة نسيتوا الدعوة
والكراسى خديتكوا فى سهوة
ولابستونا أجمل طاسة
كرهتونا فى معنى سياسة
دوختوا الناس بوعودكم
والخلق منكم محتاسة
أنا إخوانى ..ومش عجبانى
حزب الحرية والعداله
