محمد أحمد دويدار يكتب: تسعين مليون

تسعين مليون مــوجوع
هيموتوا خلاص مـِ الجوع
بينادوا يارب علـــيك
بينادوا بصوت مسمــوع
دى قلوبهم ملك ايـديك
وعيونهم مليانة دمــوع
تسعين مليون مخـلوع
من جنس البنى آدمييــن
عاشوا حياتهم طـوع
فسلاسل وفـ زنازيـــن
دة كلام وسكوت ممنوع
حتى الهــمـس يـديـن
ولا فارقة معاهم نـوع
ولا فارقة معـاهم ديــن
وكأن الـخوف مـزروع
فالأرض وفى الطــين
تسعين مليون فِـخشـوع
على بابــك واقفــــين
ودى دعوة ما ليها رجوع
دعوة مـــظلومــيـن
ودى صرخة فقلب ضلوع
ولا تعرف امتى وفيـــن
هتلاقى الـحق شـموع
بـتنور نـنـى الـعيــن
ويبـان لــبلدنا قـلوع
ومــآدف عـالـجـنبيـن
ينأدف مرة ونوصـــل
لواحــد مــ الشـطـين
يندوق الذل ونُســكت
ونعيش ونموت ساكتيـين