صدر حديثاً بالهيئة العامة لقصور الثقافة ديوان "البيان الأخير من ميدان التحرير" للشاعر محمد على النجار ضمن سلسلة إبداعات الثورة.
وفى قصيدة بعنوان "البيان الأخير" يقول الشاعر.
الأسدين اللى واقفين ..
على كوبرى قصر النيل ..
هربانين من دار الأوبرا ..
علشان يكملوا الأوركسترا ..
اللى هايعزف فى ميدان التحرير ..
ساعتها المتحف المصرى ..
رفع العلم واتحزم بالمتظاهرين ..
اللى شايلين فوق كتافهم ..
تمثال عبد المنعم رياض وبيهتفوا ..
بأغانى للشيــخ إمــام ..
وبلحن بينبض بيه الوطن ..
طالع من قلب الشيخ سيد درويش..
كان شارع قصر العينى ..
بيصرخ فى ميدان طلعت حرب ..
والإسعاف معتصم ..
قدام دار القضاء العالى ..
وشارع الصحافة لساه رافع لافتات ..
قدام ماسبيرو..
يطالب فيها بالاستقلال ..
كان كل شىء بيثور ..
حتى الكورنيش ..
ساب النيل والحبيبة ..
وقرر أنه ما يرجعش ..
غير لما تتحقق مطالبه ..
والإذاعة بتعلن بيانها الأخير ..
بأن مصر ..
فعلاً بتتغير.
