سيد أحمد الهمشرى يكتب: إذا كنت فاكر

إذا كنت فاكر هتضحك عليّــــــــــــــه برز ولحمه وسكر وزيـــــــت
وفاكر بانى هافرط فى صوتـــــــــــى عشان كلمه حلوه وحبة حديـت
فاسمح لى أقولك أنا طموحى أكبــــــر وليلى ونهارى فى مصر بَفكــر
أنا طموحى اشوف مصر ديمقراطيــة وعلمها مرفرف على كل بيـــت
...
إذا كنت فاكر بأن الجماعة فى بيت (المقطم) بقت اغلبيـــه
وفاكر بأن ميلشيات سيادتــــــــــــك بكل اللى فيها هتقدر عليّــــــــــه
فاسمح لى اقولك بأنك ضعيـــــــف ووزنك ما بين اللى زيك خفيـــف
ومهما تحاول تكون ديكتاتـــــــــور فى ساعة إرادتى هتبقى ضعيــف
...
إذا كنت فاكر شباب النهــــــــاردة هيسمع أوامرك وزى زمــــــــــان
فاسمح لى أقولك شباب النهــــاردة عنيد وأنت شوفته فى قلب الميــدان
شباب الطموح عنده فوق احتمالـك وأكبر كتير من نفوذك ومالــــــــك
شباب كل أمله يشوف مصر أكبــر وأعظم ودايما فى أعلى مكـــــــــان
...