ياريت نتعظ من خطايانا
ياريت نتعلم منستعجلش
ياريت تُصدق نوايانا
ونقول الحق وما نكدبش
---------
ياريت الحب يبقى أساس
قلوب الشعب ونعيش إحساس
فى لقانا وجوانا ما يخوفِش
----------
ياريت نرجع تانى مصريين
جدعان قوى قوى وطيبين
نبتسم ونتعلم سماحة الدين
نتودد ونتوحد منتقسمش
--------
يا ريت نسمع لبعضينا
ويبقى الحب تاج لينا
يغطينا يدفينا يقرينا
إن العداء غباء ما يلِقش
---------
همومى ياللى بقيتى جبال
وعاد موالى يرثى الحال
وعاد دمعى كبحر وسال
ومن ويلى صبح ليلى مينيمش
----------
آه آه يا مصر وألف آه
من حزنك على نفسك
ومن حزنى عليك والله
ياه ياه على صبرك
----------
صورة أرشيفية
مشاركة
اضف تعليقاً واقرأ تعليقات القراء
مشاركة
