فيسبوك
واتساب
أنا المقتول لكن عايش أغنى وأقول
أنا المجرم وأنا الطايش جنان الغول
أنا الأمى اللى بيدون كلام منقول
أنا الصارم وأنا الحاكم وأنا المذلول
أنا الصلب اللى مش سائل وأنا المسؤل
أنا اللى بتدفى بتعريتى
ولما اتحر ألبس خيش
أنا الصرخه اللى سكيتى
أنا السرعة وأنا بشويش
أنا الأرض اللى ف الشارع
أنا الصالح وأنا الطالح
أنا الجامع وأنا الطارح
وطرحى طين بشوك مفتول
أنا اللى بيدندن مع المجاذيب
أنا اللى بيأذن ف إيده صليب
أنا اللى مش عارف ومش خايف
ومش شايف ومش رايح
ومش راجع ومش ثابت
ومش ساكت ومش مخبول
صورة أرشيفية
