وعَرّفِت قيمتى متأخر
واخلاصى اللى كان ليها
وعشقى ليها كان أكتر
من الدنيا بما فيها
واشواقى اللى مبتسْمه
تداعب خدها النعسان
وعِرّفِت إنها القسْمه
وسحر البحر و الشطآن
واروح وياها واتمنى
أضفر ضحكتى بنورها
وادوب ف هواها واتهنا
وتسحرنى ببَنْورّها
واجرجر رجل والتانيه
بتسبقنى على بيتها
مُواعدنى و بالثانيه
حنين دايب ف جنتها
تهفف خصله من قلبي
ف لحظة قُربها ليا
ماكنشى الحب يوم ذنبي
ما كنشى الفرح بايديا
وندمت لما فارقتني
وخاصمت يومها إحساسي
ويومها البعد موتني
وما قدرتش اكون قاسي
وقالت ليا انا اسفه
حبيبى إنت أُعْذرني
وقالت ليا كام وصفه
تحاول فيها تنذرني
ولكن طبعها الجارح
غرز سكينه مسمومه
قتل عشقى اللى كان سارح
ومات قلبى مالوش قومه
صورة أرشيفية
مشاركة
اضف تعليقاً واقرأ تعليقات القراء
مشاركة
