فيسبوك
واتساب
بسيطة جانى من الخلف بس عيار
والقميص انقطع منه بس الزرار
أنا عاوز للبلد الاستقرار
ومش عاوز حد يستغل الحدث وينفخ فى النار
ما أنا طول عمرى شايل المََرَار
وإيه يعنى سحلة
ما أنا طول عمرى متجرد من أى قرار
مُهمش وبعيد عن أى حوار
مع إنى بحب مصر باعتبرها هى الدار
أنا راجل بسيط باشتغل فى المعمار
عاوز لبلدى العمار
دا قدرى ليس لى فيه خيار
وأنا راضى بالأقدار
أنا لست مُتفوه ولا أنتمى لأى تيار
لو عدى على رءوسنا قطار
نقوم نُنفُض من على العِمة الغُبار
بجد مش هزار
إحنا رجال أفعال أُنظر الى الآثار
ثابتة شامخة قوية الجدار
تشهد لنا ويشهد لنا كذلك الزوار
القادمين لأرض الكنانة من كل الأقطار
عمار يا مصر عمار يا زِينة الأمصار
حأفضل شايل هَمك ليل نهار
حمادة المسحول
