عمرو مصطفى على الفيس بوك: الجيش قالها لو نزلتوا هدعمكم

بعد نزوله أمس الاثنين، وكعادته، إلى مظاهرة تأييد الجيش عند المنصة، كتب الملحن والمطرب عمرو مصطفى على صفحته الخاصة على الفيس بوك الآتى: "من فضلكم مش عايز حد يقولى ما تيأسش لأننى لا أعرف اليأس فى حياتى لأنه خيانة لوطنى وأسرتى ولنفسى، ولكن أنا اقول لكم الواقع لكى لا أخدعكم، الجيش لن يتدخل، أقسم بالله لن يتدخل، أقسم بالله لن يتدخل، خلصت، وانتخابات مجلس الشعب هتحصل، والأقباط هيتم اضطهادهم، والبلد هيبقى فيها حرب أهلية، وهنحتل رسمى،وخليكم قاعدين فى البيت، واتفرجوا على بسومة واكس فاكتور وعزب شو، وبرامج التوك شو الجميلة، أنا خلاص هاخد أسرتى وامشى ربنا اسمه العدل، ولازم تشوفه ما صنعت أيديكم".

"الجيش قالها مليار مرة لو نزلتوا هدعمكم" علشان الرأى العام العالمى ما يجبش على مصر الغلط لأنهم ما بيعترفوش بالانقلابات العسكرية، وممكن يفرضوا الحصار على مصر لو حصل انقلاب".