لو متعود تقول آه موافق، قول مرة لأ واعمل العكس كمان، ممكن مرة تعترض على حاجة مش مستاهلة حاول بقى ساعتها تتعلم من غلطاتك وتعترض على الحاجات الغلط ساعتها حتعرف تقول آه موافق ع الصح ولأ معترض ع الغلط ويمكن ساعتها تغلط ما أنت إنسان بتغلط بس ساعتها حتلاقى واحد اتدرب واتعلم زيك وحيعترض على كلامك الغلط وحيقولك إيه الصح، ساعتها ممكن تختلفوا وتبدأ مناقشه لأنكم مش أعداء.
وغالبا حتتفقوا لأنكم متفقون أنكم حتوافقوا بس ع الصح وتعترضوا ع الغلط ولو اختلفتوا مش حتتخانقوا لأنكم بتتناقشوا والمناقشة "سمع" قبل ما تكون "كلام".
أعطى الله الإنسان عينين ليرى...وأذنين ليستمع ولسان وااااااااااااحد فقط ليتحدث الإنسان كائن متعلم قبل أن يكون كائنا متكلما اقرأ "مرتين" واسمع "مرتين" قبل ما تتكلم "مرة واحدة".
وجرب مرة تروح الاستاد تقعد فى وسط جماهير الفريق المنافس واسمعهم جرب اتفرج على أكتر قناة ما بتطيقهاش وجرب تسمعهم الخلاصة يا ولاد البلد اسمعوا واتكلموا.
ومفيش موافقة على طول الخط إلا فى كلام الله والوحى توقف فالجئوا للعلماء والعلماء لا تنسوا أنهم بشر يصيب ويخطئ فتيقنوا يا أولى الألباب ربنا يستركم واعملوا مفاجأة لنفسكم
وقولوا لأ الكلام ده غلط أنا حأروح أتأكد منه قبل ما أوافق والغلط اللى أنا شايفه ده يمكن يكون صح فأنا حأروح أتأكد منه قبل ما أعترض.
صورة أرشيفية
مشاركة
اضف تعليقاً واقرأ تعليقات القراء
مشاركة
