ناصر الخضرى يكتب.. الظلـم فى المياديـن

خرجت أقـول لأ.. للظلـم فى المياديـن..
سلاحى هو الحق.. والدرع الوطـن والدين
شايـف ضباب وظلـم.. وانتو مش شايفـين..
لو الوطـن الأم.. انتـوا ولاد مـين
قولـت الحـق فيكم.. وانتـو قوام الديـن..
والدم مالى أيدكـم.. خـزى وعار وطـين
رصـاص طالع جبـان.. وبتترعش الأيديـن..
بيعدى كام إنسان.. ويصيب عليه العين
وقـع أخويـا جنـبى.. والدم فى الكفـين..
يقول ده كل ذنبى.. دم الشهيد راح فين
دمـى عليك حرام.. دنا أخوك فى الدين..
يوم القيامة ظـلام.. فى لـواء الغداريـن
ودم عمـر والجنـدى.. مكتوب على الجبين..
مهما تـبرر عندى.. فى الآخـرة مفيش تبرير
أنت شـربت الدم.. ونسـيت قول مُبين..
حـرّم ربنا على الأرض.. تكون من التربـيين
تقـولى مـات الـبرىء.. والدمعة على الخدين..
ونبض قلبك بطـىء.. عشـان عليه حجريـن
طالـع علينـا تبكـى.. جمعـتى وأنـا حزين..
والكدب فى وشوشكم يحكى.. وأنتو اللى بس مصدقـين
فيكـم الحـق اتخنـق.. والعقل فيه شـياطين..
والـدم بقى للأسـف.. عندكوا ليه تحـليل
إصـحى وفـوق يا عم.. قالـوا إننا كافرين..
وأحلوا فينـا الدم.. نسـيوا أحنا مـين
قـال علينـا إحنا.. إمام المرسـلين..
تلاقينـا فى أى محنـة.. إيدينا متربطـين
لو مات مليون شهيد.. للظلم نكون صدين..
والدم اللى مالى الأيـد.. يقول إنكم بدئـين
عرتنـا وقتلتنا.. واحنا اللى صابرين..
مش كسر عين مننا.. أو تقول خيفـين
ده عشان بنخاف ربنـا.. عملين حساب للدين..
هتفضـل على ظلمنا.. يا ويـل الظالمين
سـاعة ما تقفلوا الباب.. توقوله مش سامعين..
هتشوفوا منا عـذاب.. بعـدل الله مهـين
الديـن فى ايدك يهـلك .. وأنت عليه آمـين..
هيسألك عليه ربنا.. ويقولك هو فـين
مش هو ده الإسـلام.. اللى ليه عرفـين..
تحل كل حـرام.. وتقول ده قول مُبين
بعد الـدم أيـه فاضـل.. عرفنا أنتم مين..
أنتم أكيـد الباطل.. لكن أحنا أهل الديـن