سيد أحمد الهمشرى يكتب: حمادة صابر المسحول

مكنش والله العشم أملى يضيع منـــــــــــــــــــــى
وثورتى تتسرق وتروح بعيد عنــــــــــــــــــــــى
وأشوف حمادة الضعيف وسط الضباع عريـــــان
وأشوف حكومة الفشل عشمانه تحكمنــــــــــــــى
...
مكنش عشمى أشوف حمادة صابر مّهـــــــــــــان
قدام جميع البشر وحكومة الاخــــــــــــــــــــــوان
مكنش عشمى اشوف وطنى فى ايدين قاسيــــــــه
ولا حماده اسير الظلم والبهتـــــــــــــــــــــــــــان
...
مكنش عشمى أشوف الظلم باسم الديــــــــــــــــن
ووزير يقولى كفاية كل يوم رغيفيــــــــــــــــــــن
وأشوف حمادة بيصرخ فى الطريق عريـــــــــان
صُراخه عرّى حكومة كلها فاشليـــــــــــــــــــــن
...
مكنش عشمى اشوفك ياوطن حيـــــــــــــــــــران
ما بين فلول النظام وجماعة الخـــــــــــــــــــذلان
بعد (جمال) و(السادات) و(عمرو ابن العــاص)
دار الزمان وابتلانا بعصبة التوهــــــــــــــــــــان
...
كان عشمى بعد النضال والثورة نتقــــــــــــــــدم
ومن تجارب الفشل فى الماضى نتعلـــــــــــــــــم
وماشوفش تانى حمادة فى الميدان بلبـــــــــــوص
وكل نقطة فى دمه طالعه تتألــــــــــــــــــــــــــــم
...