فيسبوك
واتساب
طعم الحياة قهوة سادة
من بعد ما اتسحلت يا حمادة
وأنا آسفة يا حمادة
إنى ضحكت عليك
يارتنى حسيت بيك
موقف بطولى إنك تحمى ولادك
بإنك تغير كلامك
آسفة يا حمادة يارتنى حطيت نفسى مكانك
كلنا حكمنا عليك بسرعة
لاننا ما خدناش نفس الجرعة
ناس كتير قالوا اتجنن
وناس كتير قالوا حاجة تحزن
أنا آسفة يا حمادة
كذبت كل الناس عشان تحمى عيلتك
و كلنا قولنا ياخيبتك
وبعد ما رجعت فى كلامك
وشفت الحقيقة إللى قدامك
عرفنا سبب عصيانك
وعرفنا كلنا مقامك
واحترمنا موقفك الأولانى
واحترمنا رجوعك فى كلامك
يمكن الحادثة دى تغير حالك
ويمكن تغير حال الناس
إللى راح منها الإحساس
إللى وجودهم فى الحياة غم
إللى خلص من عندهم الدم
إللى مات قلبهم وضميرهم
إللى ما بيحسوش بغيرهم
ويمكن نخلص من الحياة إللى كلها مشرحة زينهم
المسحول
