فيسبوك
واتساب
الثورة دى أرزاق
بختك نصيبك
والنصيب غلّاب
ما بلاد تعيش بالثورجة
وبلاد تعيش بالبلطجة
عيشة فقر وهباب
وبلاد بتلعب فى القمر
وبلاد تغنى للوطن
يا امه القمر ع الباب
وبلاد بتسرح فى الفضا
سعد وهناء
وبلاد بتدفن حلمها
تحت الولاد بتراب
ما انا قلت لك
الثورة دى ارزاق
وبلاش تجيب سيرة العرب
تكتب كتب
كل الحكاية
كام عتاب ف عتاب
عايشين صداع الثورة دى
دم الشهيد
حق اللى راح
حق اللى مات وانصاب
مين اللى قال
الثورة دى
فيها الشرف
محسوب بالف حساب
ما تصلى بينا ع النبي
واكتب على جبين الامل
كدااااااااااااااااااااااااااااب
صورة ارشيفية
