فيسبوك
واتساب
ارخص ما فيكى يا بلد بقى دمنا السايل
عاجبك سكوتى بس فى قلبى أنا شايل
ده أنتى إللى بتقتلى فرص الكلام بينا
لحد ما قلتلك والله ما أنا قايل
هزعل عليكى يا بلد وألبس عليكى سواد
وألف أدور على كرامتك التايهة بين البلاد
ليه بقى سهل تعيشى متهانة ولا إنتى كارهانا
مبقاش فيكى حتى بطولة أحكيها للأحفاد
هقول وأحكى على السرقة ولا الغلا
ولا على حالك أبكى وأبدأ ولولة
ما إنتى إللى بتقولى علو صوتنا غلط
سامحينى عليكى متقل وعامل مشكلة
صورة ارشيفية
