فيسبوك
واتساب
وقت الألم ساعة الآهات
فيها الوطن ينعى اللى فات
كان الخبــر فى الإعلانات
بيقـول جيفارا الشعر مات !
مات اللى كان صوت الأمل
مات اللى كان يحيى الآهات
مات اللى عاش عمره عمـل
مات زى جندى فى حرب مات
آخـر قـلم كان حـر فينا
أول لسان شــتم الطـغاة
آخـر خبـر بكــــى عنينا
كان جيفـارا الشــعر مات
مات عمى نجـــم
يعنى صوت للحق مات
اللى كان يصرخ تعبنا
وقت ممنوع الكــلام؟
اللى كان يحمل تِعابنـا
وقــت ما نحس بآلام
اللى كان ع الظلم رادع
فى القصيدة بالكــلام
اللى ما سلم كخاضع
أو قبل هذا الســلام
مهما قلت يا عم نجم
أنت أكبــر م الكــلام
أنت تاريخ م الذكريات
زى التراث والأهرامات
آخـر خبـر أثر علــــينا
كان جيفـارا الشعر مات
جنازة فؤاد نجم
