أشـرف صـلاح الديـن محـمـود يكتب: امحـوا اسـم كـل خايـن

امحوا اسم كل خاين غير أميـن. . من صحايف وسجل المصرييـن.

واللى زرعوا فى قلب مصر ألف عين.. يـكشفوا أسرارها للناس أجمعيــن.

واللى انـتـمـاؤه لـبـلاده. . كلـمـة فى شهـادة ميـلاده
امحـوا اسـم كـل خايـن غيـر أميـن
**********

امحوا اسم كل من باع التـراب. . وسلـمـــه للأعــادى والأغـــراب.

واللى بيسعى فى بلاده للخراب. . وطار بـشره بالأمانى ورا سـراب.

لـلـغـريـب كـان انـتـمـاؤه. . لـلـعـــدو قــدم ولاؤه
هـو دا عـدو لـبلاده فى كـل حيـن
امحـوا اسـم كـل خايـن غيـر أميـن.
**********
امحوا اسم كل من يقيدها نـار.. والفتن كانت وسيلته لـلدمـار.
ولأن مصر للعرب شمس النهار.. هى هدف لـكل معتد جبـار.

حلمه بلحظة انتصاره. . وحدتنا قوة لانكساره
نبقى يد من حديد ولا يوم تلين
امحـوا اسـم كـل خايـن غيـر أميـن
**********
سجل مصر زاهى على مر الزمان. . واللى يمسه فى يوم بشر مالوش مكان.

كـل اســم فـيـه بحــق لـه كيـــــان. . الاســم بحروف من دهــب ونــور كمـان.

نجمه فوق دايما يلالى. . اسمه باقى فى العلالى
بإنجازاته لجل مصر مدى السنيـن
امحــوا اسـم كـل خايـن غيـر أميـن
**********

اكتبوا اسم اللى يصنع شىء مفيد. . واللى يصبح لبلاده أمل جديد.

واللى يحيى فى مصر تاريخها المجيد. . واللى يوهب عمره لبلاده شهيد.
وإللى ليها يوم أساءوا. . ربى شاء مهما يشاءوا
مصـر آمنـة بـولادها لـيـوم الـديــن
امحـوا اسـم كـل خايـن غيـر أميـن