بهاء الدين محمد يكتب: يا بنى اتعلم من جيش بلدك

ياللى بتهتف ضد العسكر
هاتلى جماعتك تحمى حدودك
جيشك يا بنى ده حتة سكر
خير جنود دول هما جنودك

قبل ما تشتم جيشك يا بنى
شوف كام واحد ضحى عشانك
شوف كام جندى فى عز البرد
قاعد سهران يحمى بلادك

جيشك يا بنى ده ضحى بعمره
عشان بلدك تبقى أمان
قال حيضحى بروحه ودمه
قال حيحارب كل جبان

دول رجالة فى وقت الشدة
وقت الحرب بيبقوا أسود
جيشنا عظيم وده صاحب سجدة
مش كفار دول خير جنود

كلمة قالوها القادة زمان
مصر حتفضل أم الدنيا
حفضل أدافع عن أولادك
وحخليها أنا قد الدنيا

لازم نشكر جيشنا الغالى
لازم نعمل ألف تحية
حقق لينا النصر السامى
عشتى يا مصر عظيمة أبية