ارجع يا زمان مــِ الأول
ارجع يا زمان
ارجع يا زمــان وَدينـى
لايــام زمــــان
شيل الأحزان وادينى
حٌب وحنان
ارجع يا زمان مــِ الأول
...........................
واقف فـِ دورى ودورى طَوِل
باثبت حضورى عشـان أحوِل
من شاب داخل عالاربعيــــن
لعيل بيلعــب فـــِ أولـــى أول
ارجع يا زمان مــِ الأول
...........................
رجعلى قلب عمره ما خان
رجعلى لحظة صدق وأمان
رجعنى الواد أبو شورط مقلم
بيعاكس بنت الجيران
ارجع يازمان من تانى
لأيام زمان
ارجع يا زمان مــِ الأول
...........................
صورة أرشيفية
مشاركة
اضف تعليقاً واقرأ تعليقات القراء
مشاركة
