"لأجلك أكتب بالعامية للمرة الأولى وقد تكون الأخيرة"
...مع السلامة يا نجم يا صاحب القلب الكبير.... يا حامل الهم...يا ثائر فى وجه الظلم..مصر حزنها عليك كبير وكانت عاوزاك معاها علشان تقوى عزم ولادها بكلامك العظيم. . مع السلامة يا نجم فى يوم من أيام الانتظار لحلم البلد بعدما طال البوار.. مع السلامة يا نجم. ..شريط الذكريات بيمر ويحكى قصة الفاجومى قاهر الألم والظلم لحد آخر يوم فى العمر..مع السلامة يا نجم سامحنا الدموع جفت من كتر الحزن وكفاية قلوب المصريون كلها بتبكى عليك.. مع السلامة يا نجم حاضر فى قلوب المصريين بكلامك العفوى النابع من القلب.. مع السلامة يا نجم. ..بلغ سلامنا لبيرم التونسى وفؤاد حداد وصلاح جاهين وحبيبك الشيخ إمام.. مع السلامة يا نجم... مصر كان نفسها تروح "لحوش قدم" تعزى بناتك نواره وزينب. وتصلى عليك فى الحسين وتشيع جنازتك...مع السلامة يا نجم..... مصر مش حاتنساك...... إلى جنة الخلد ومتنساش تسلم ع الورد اللى فتح فى جناين مصر..... مع السلامة يا أحمد. ....يا فؤاد....يا نجم.
جنازة أحمد فؤاد نجم
مشاركة
اضف تعليقاً واقرأ تعليقات القراء
مشاركة
