محمد إسماعيل عبد الصمد يكتب.. غنيت لحلم الغلابة

هنقول فى وقت الوداع
فارس وعمره ما باع
رفض القصور والكراسى
وعاش نصير الجياع
وقلمه كان حد سيفه
والصبر كان له متاع
مين ينسى حاحا وجيفارا
وساد قانون البتاع
مين غنى شيد قصورك
ووقف فى وش السباع
لا سجن لجِّم لسانه
ولا همه بطش الرعاع
.................................................
غنيت لحلم الغلابة
فصبحت نجم النجوم
زهقت أهل الكآبة
حيرت أهل العلوم
قالوا سجين جوا أوضه
وكلمته عالغيوم
وضِحكته لم تفارق
وله فؤاد مكلوم
على إيه صموده وعناده
رغم الهوان والهموم
وبعد بحث ودراسة
كان الجواب: مظلوم
فى العتمة حارب وناضل
ومر زى الشعاع
ونقول فى وقت الوداع
فارس وعمره ما باع