فيسبوك
واتساب
ومين هيقول عليك راحل
وإنت الحى فى قلوبنا
وسايب ليك تاريخ حافل
كفاح ونضال يعلمنا
كتبت الشعر للغلبان
وضد الظالم التِعبان
وفجَّر شعرك البركان
فى وش الفُجر ولا همك
وشُفت " بهية " دى بستان
بتطرح كل يوم فدان
من الأبطال وم الجدعان
ولا راح الأمل منك
يا كلمة حق بتلالى
ولا اتهدت بضربة سوط
ضلالى تقوله يا ضلالى
مع الظالم تعلى الصوت
يا ابو " نوارة " يا مجدع
يافارس فى الحياة مِغوار
ساكن جوانا ومربع
وعشت ومت م الأحرار
الشاعر أحمد فؤاد نجم
