فيسبوك
واتساب
يا قلب نَزْ وريده
تاه الجواب فى بريده
لاحد غيره بريده
قتلوه مَ جَانى بريده
يا نخل هز جريده
نفسى يعود تنهيده
سمعنى يلَّه وقول
***
يا عازف الأرغول
لحنك حزين القول
خطف الوتر فرحى
زاد النزيف جرحى
مهما يطول شرحى
يا ريتنا نفهم قول
***
وكمان يا ناى نساى
حزنك غويط فى حشاى
والصبر مر وعلقم
يابو اللسان اتلجم
مين يا ترى هيترجم؟
يشرح معانى القول
***
ديك النهار خطفوك
قتلوا الشموس ورموك
اتصف ملايكة شالوك
حسبك يا أمى خلاص
يا كسر ضهر أبوك
ونعوذ برب الكون
يا زمرة الشياطين
تتخقوا ليه ف الدين
وكلامكو أسوأ قول
صورة أرشيفية
