فيسبوك
واتساب
صوتك ده أحلى حاجة فى دنيتى
لما أسمعه مبحبش انطق
بحب اعيش جوه النغم
فى كل حرف بتنطقيه
كل كلمة يا حبيبتى بتقوليها بتختلف
عارفة كمان.. المعانى بتختلف
لما بفكر فى كلامك يا حبيبتى
بحس قلبى بيتنفض
كأنى طاير... فوق سحاب
فوق البشر..... وبيبتعد
سامعك.. بتقولى وإيه كمان
يا حبيبتى كل الكلام فى حضورك ينتهى
ويجى دور العينين ويبتدى
أصل العيون بينها رسول
يحكى يقول عن القلوب
والحب فيها ملهوش حدود
كل مرة ياحبيبتى بكتب كلامى
احسه ناقص انه بوفى
كل مشاعرى ناحيتك
لكن دى مرة.. وكل مره بيزيد لهيبى لحنيتك
صورة أرشيفية
