فيسبوك
واتساب
برد وأمطار والمأوى مفيش
وتعاطف بس ما بيكفيش
لاحرير أنا طالب ولاغطا ريش
ولا قصر رخام ولا سفره ونيش
ولا أكل حمام ولا بالتحابيش
لو عشة صاج وحيطانها الخيش
وشوية عدس ولقمة عيش
ساعتها الدنيا هتبقى حبيبتى
واعرف أنها زهقت تلطيش
وهاقدر لما تحس بعوزتى
ياما خدت الدنيا وما بتديش
وزكاتك بيها تنقضى حاجتى
أو حتى بواقى من البقشيش
هارجع إنسان وأشعر بأمان
م القســــــوة تعبت وم التهميش
صورة ارشيفية
