فيسبوك
واتساب
شعرك مهوش مسموع
دمك يا مصر بينزف
شعبك بيصرخ جوع
شعبك شبع أوجاع
أكل شبع أو جاع
الحلم منه أهو ضاع
وغرقان فى الدموع
يامصر يا أم التاريخ
هزمتى كل الجيوش
الحرب مش صواريخ
دا ليها مليون وشوش
زهرة شباب وورد
واقفين لينا عالحدود
رصاص غدر وخيانة
وبرود بايدين برود
وبكره يوم الحساب
هيجى حق الشباب
أصعب عقاب وعذاب
دا رب الكون موجود
يا مصر يا أم التاريخ
هزمتى كل الجيوش
الحرب مش صواريخ
دا ليها مليون وشوش
صورة أرشيفية
