يا حبيبى نادى قلبى المحترق
من ورا كل الستاير
حتلقيه قاعد لوحده منعزل
سهران قلقان وحاير
حيقولك إنى ببعتلك
ألف ميت مليون سلام
إنى دايبة ف بحر عشقك
إنى أسيرة الغرام
إنى لأجلك بعتزل كل المشاعر
لما تشوفه حيسألك
هل يا ترى أنت بحبه شاعر؟
قوله
إن أنت دايب فى موجه من زمان
عايش لسه ف العشق اللى كان
مالى القلوب
مالى المكان
لما قلبى يحسسك كل الحنان
قولى الحقيقة وفهمه
ده أنت يدوب بتعلمه
إن اللى يعشق حد جد
مش ممكن يسمح
إن يبنى بينهم سد
يا حبيبي
ياللى ساحر قلبى بعنيك الجميلة
اوعى تنسى ف يوم
إنى كنت ليك الزوجة الأصيلة
وإن أنت كنت عمرى اللى راح
صحيح كان مليان جراح
لكن معنديش غير السماح
سماح
على كل حاجة
ع الجراح
واللى راح
صورة أرشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
محمد زكريا حبيشي
جميل استاذه سلوى
عدد الردود 0
بواسطة:
عبدالله بن حسين
كلام الذ من القشطه :
عدد الردود 0
بواسطة:
سلوي
شكرااااااااااااااا
عدد الردود 0
بواسطة:
سلوي
ممنونة جدا
عدد الردود 0
بواسطة:
shoq AL-yasmin
حروفك اصاله همسات
اتشرف ببصمتي بين حروفك الرائعه الاصيله
عدد الردود 0
بواسطة:
اسماء ابوبكر
رائع