فيسبوك
واتساب
كل واحد مننا من حقه يحلــــم حلم وردى أو رمادى بس يحــــــلم
فى حاجات ممنوع تفكر بس فيهــــــا وإن حلمت اوعك تهوب مرة ليــــــها
مش حاقولك ما انت عارف كل حاجة وأنت مصرى زينا مانتش خواجــة
لما تلقى الأمر يتعلق بباشــــــــــا أو بهانم بنت بيه أو بنت باشــــا
أو بواحد ماللى طالعيين ف المـقدر واللى عامل فيها نفسه راجل اخضـــر
أو بكلب من الكلاب المخمليـــة اللى تعرف امتى بس تكون وفيـــــــــه
أو بقطة كبيرة مالنوع السيامـــى ليها ضهر وضهرها واحد حــــــرامي
أو كاناريا بغبغان مالزنجبـــارى اسمه ماشى فى البنوك وحسابه جاري
أو طاوس منفوش وريشه بهبهانــى لو تشوفه تقول دا هندى أو إيرانــي
أو حلمت بقصر من أيام زمــان والصور ويا التحف ماليـــــه الحيطان
لو لقيت خرفان بتجرى وانت بينهم تجرى والجزار وراها لحد زينـــــهم
بس عاوز يمسكك ويطول رقابتــك مش حايرحم دمعتك أو حتـــى شيبتك
فك نفسك واجرى منه ف الميــدان أو ف حارة قبل مـــــــــا يفوت الأوان
وأن لقيت الحارة سد ارجـــع أوام وانسلت منهم وزوغ ف الزحـــام
وامشى جنب الحيط وماتبصش وراك واوع تمشى والبطاقة مش معـاك
وان لقيت واحد ومسكك من قفاك اصحى من نومك وبطل تانى تحلـــــم
صورة أرشيفية
