فيسبوك
واتساب
عالم وسط حروب غرقان
دمار ودم فى كل مكان
ضاع من العالم معنى الرحمة
نسيوا إن أنا مخلوق إنسان
عايش لكن من غير روح
طفل بريء من الكون مجروح
قتلوا طفولتى. . قتلوا عروبتى
سجنوا الفرحة فى كل مكان
عالم وسط حروب غرقان
شايف أبويا غرقان فى دمه
شايف أمى بتدور عنه
وكل واحد راح فى مكان
نسفوا البيت اللى كان متاوينا
ورصاص غادر بيقتل فينا
والدم مغطى الجدران
قتلوا الحب فى كل مكان
عالم وسط حروب غرقان
دمار ودم فى كل مكان
ضاع من العالم معنى الرحمة
نسيوا ان أنا مخلوق إنسان
قتلوا طفولتى. . قتلوا عروبتى
دفنونا فى ترب الأوطان.
صورة أرشيفية
