فيسبوك
واتساب
جربت تحس الظلم فى يوم
أنا بقه جربت
جربت تعيش قلبك مكلوم
أنا بقـه جربــت
وحاولت أتخطى تلال الحزن كتير
ويا ريتـــــــــــنى قــــــــــــــدرت
أوقات الفرح اللى أنا شفتها
دى يادوب لحظــــــــــــــــات
وسنين الحزن اللى أنا عشتها
ملـــــــــــيانه آهــــــــــــــــات
والدنيا بيبانها اتقفــــــــلت فجأه
وساقـــــــــت فى العـــوجـــــــان
مع إنى كتير طبطبت عليها برقة
وسمعتها ألـــــــــــــــــحـــــــان
ونسييت إنها غداره وقادرة
وراسها راكبها ألف شيطان
وبتتزوق ولا أجدع فاجــرة
وتلبسلك أجمل فســــــــتان
المرة الجاية مش هاطوعها
ولا هشرب شهدها لو عطشان
لكن لو شفتونى بأصالحها
سامحونى ما أنا فى الآخر إنسان
صورة أرشيفية
