بالفيديو.. قصيدة جديدة للشاعر محمد إبراهيم بعنوان "آسف يا عم فالنتين"

كتب الشاعر الشاب محمد إبراهيم، قصيدة جديدة، بمناسبة عيد الحب، بعنوان "آسف ياعم الفالنتين"، وأخرجها على طريقة الفيديو كليب، المخرج أسامة المهدى.

تعتبر كلمات القصيدة، مواساة لكل الأشخاص غير المرتبطين، والذين سيقضون عيد الحب بمفردهم، دون حبيب، يشاركهم مشاعرهم.
وتقول القصيدة
"آسف ياعم فالنتين ..
عدى السنادى كمان وسجلنى
غياب ..
السنجله مش مشكله ..
مش طالبه عك ..
ولا ناقصه شك وغيره حتى
أو عتاب ..
منكرش إن انا نفسى حقيقى
أخرج مع بنت وأغيّر جو ..
وبقولك لو ..
انا كنت لقيت حد بيفهم
انا كنت ساعتها بقيت جنبه
لكن انا كل مأكون مع حد
يبعد ويقول قال مش ذنبه
وانا قلبى ده مش فندق يعنى
انا أبسط حاجه بتوجعنى
وأهو عادى مجتش على اليوم ده
وانا اصلا عايش من مده
ومسستم نفسى على الوحده
وحياتها عايشها يا عم تمام
لا انا بشحن زى الناس على طول
ولا برغى كتير فـ التليفون
ولا بقعد أسب لفودافون
ولا ضايع وقتى فـ اى كلام
ولا قاعد مجروح مـ الصدمه بسمع
" مش زى الأفلام "
انا زى الفل وإشطه وبيس
مش بفتح شات بالليل عـ الفيس
ولا بسهر أكتب اغنيه
" لا بأس ببعض الحنيه "
وبعشم نفسى أعيش مع حد
والاقيه بيسسبنى بدون أسباب"
https://www.youtube.com/watch?v=4Oqyz6NFH3k#t=64