قِدرّت تقولها بلسانك
ما بيهمكش غير مصلحتك أنت وبس
خلاص ما بقتش أنا العاشق
ودلوقتى أنا الجارح لقلبك بس
وزودت الدموع لعنيك
وأنادى قلب كان رافض لقلبى يحس
أنا اللى اديتك أيامى يا أيامى
وكُنت الشارى طول الوقت
وأحضانى ف يوم قُربك تكون دُنيا
معانيها جناين ورد
وبعد الحب دا كله بتجرحنى
تقولى بـِعدت أنا وسكت
وأنا اللى رسمت ليك فرحة كانت طارحة
غناوى ساكنة إحساسى
وأنا اللى أهديتك الضحكة وبالضحكة
كانت بتخفف القاسى
دا قلبى حتة من قلبك رايد قلبك
وتيجى تقول أنا الناسى
أنا عايزك تقولى خلاص أنا آسف
وجرحك كان عليّا غصب
تحسسنى بأنى ف مَرّة لو مُرّة
بأنى ليك ساكن ف القلب
هتبعد عنى وتقرّب
وتثبتلى معانى الحب
هحس ف يومها بكيانى وينسانى
كلام مجروح
وأحس بإن أنا المرسى
وعوِّد قلبى يوم ينسى
وامتى يبوح
خلاص قولهالى يا حُبى
وقولها حتى لو مرة
بصوت مبحوح
صورة أرشيفية
مشاركة
اضف تعليقاً واقرأ تعليقات القراء
مشاركة
