فيسبوك
واتساب
فاكرين صورته وضحكة قلبه
لمَّا يقول لصحابه دى حالة
كلمة ولزقة دوام ف لسانه
مصر حبيبتى بلد رجالة
مش راح يلبس بدلة فرحه
مش هيروح لصحابه يذاكر
مش هيروح السينما ويرجع
يحكى الفيلم قوالة قوالة
ودَّع دنيا الناس والزحمة
وسابنا يا صاحبى ف أسوأ حالة
رصِّة كتبك فوق المكتب
حتَّى اللاب مركون ف الصالة
كان تخطيطك سابق سنك
لسه فلوسك ف الحصالة
لحظة موتك جوه موبايلى
تحت علمنا وفوق نقَّالة
لمَّا الروح يخنقها حنينى
تجمد جوه الجفن دموعى
تسْمع حتى أنينها ضلوعى
لمَّا تقوللى إيَّاكى يا أمى
ممنوع تبكى على الرجالة
مصر أصيلة وأم الدنيا
وإحنا فداكى بكل بسالة
صورة أرشيفية
