فيسبوك
واتساب
كان يجرى إيه يعنى
لو كانت الدنيا..
تبدأ من الآخر؟!
نصغر وما نكبرش
ونعود وما نرحلش
نرجع وَلا نسافر..
كانت الحياة تبقى
بِتلِّف عكس بعكس
نِخْلِف مسار الشمس
عكس أما كان.. داير
نبدأ حياتنا زمان..
وإحنا شيوخ عواجيز
مسنودة ع العكاكيز
نستقبل الحاضر..
ونرتب الماضى
ترتيب على كيفنا
نقتل تاريخ خوفنا
نرتاح ولا نعافر
ويكون فـ ألبومنا
من إللى فات صورة
أيام ما كُنا كُبار
ذكرى فـ طيف عابر..
ونكون فى طفولتنا
لسا يادوب واصلين
علشان نموت ضاحكين
مع بعض فى الآخر
أرشيفية
