شنطة كتب دى فوق كتــافى
واللا ذنـوب ماعملتهــاش
أنا بـريء وذهنى صــافى
والدنيــا لســه ماشفتهاش
مكتوب لى ليه أشيل الحمول
وعمـرى لسه ما ابتـداش
وعـودى لسه شكله أخضر
والعود ضعيف ولا استواش
مش شكوتى كتر الكـتب
العلم أصله مش ببـلاش
العـلم نـور وكمان ده قيمة
من غيره أحنا ما نسواش
والعـلم ده إرادة وعزيمة
ياريت بأه ماتموتوهاش
ونعيش فى أفكارنا القديمة
ونحفظ حـاجـات مافهمنهاش
لما العقــول تكون سليمة
الجهـل عمره ما يدخلهـاش
وعقولنـا دى نعمـة عظيمة
علموها مـا تحشـوهـاش
صورة أرشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
سوزان
التلميذ النجيب