وصية قلبى فى آخر نبضه. . يـفـضـل قـلـبـك صايــن وده
قلبـى بـحـبـك كـان بيعـيـش. .. بـس الـبـاقـى أيـام يـنـعــدوا
وتبقى لغيرى ملك الإيـد. . تبقى الماضى وحلم بعيد. . وتنطفى شمعة حبى أكيد
وصيـة قـلبى فى آخر نبضه
قـلـبـك بـعـدى بـابــه يــرده
*******
حكم الأهل علينا حايمشى!.. يعنى حاتسكن غيرك عشى!
وإنتى فى ذاتى ساكنة سنين. .. إزاى قمرى فى يوم مايبانشى؟
حكموا بقسوة نبقى بعاد. . تصير أوراق قصتنا رماد. . بس إن جه للبعد ميعاد
وصيـة قـلبى فى آخر نبضه
قـلـبـك بـعـدى بـابــه يــرده
*******
عيشى على ذكرى حبى لوحده. . قلبى إدالك أغلى ماعنده
حتى إن كنتى لغيرى شريك. ..كونى فى ليله قمر لوشاهده
من غير روح من غير أحاسيس.. كونـى بنورك ضى ونيـس..كونـى فى وحدة ليـله أنيـس
وصية قلبى فى آخر نبضه
قـلـبـك بـعـدى بـابـه يــرده
*******
قلبين ياما غـنـوا وضحكوا.. فى الإحساس والنبض إتشاركوا
ياللى حكمتوا بموت قلبيـن. .. ليـه ع الفـرقة كـان إصراركوا؟!
زهرة حبنا ليها سنين. . عايشة فى بستان العاشقين. . تقطفوا عودها فى غمضة عين؟ !
قبل ماتوب الفرحة وورده
يحلى فى عينك وأتنسى بعده
وصية قلبى فى آخر نبضه
يفـضـل قـلـبـك صايـن وده
**************
صورة أرشيفية
مشاركة
اضف تعليقاً واقرأ تعليقات القراء
مشاركة
