فيسبوك
واتساب
بحر بلادى
يا بحر بلادى
يا ساكن فى وجدانى
أنا عاشقك
سنين وسنين
طويت فرحى وأحزانى
على شطك
هنا اتولدت حكـاية حب
هنا خرج الكلام مـ القلب
هنا بنيت القصور مـ الرمل
هنا عانيت الفراق والهجر
هنا خاصمتك.. هنا صالحتك
ومهما الغربة بتاخدنى
بعــود تــــانـــــــــى
أبوح للموجى والصخرة
بـ آلامى وأحــــــــزانى
يا بحر بلادى يا غالى
بتوحشنى
وصوتك ويا قمر الليل
بيخطفنى
قصور فى خيالى ببنيها
على شطك
وتيجى الموجة تمحيها
أقوم أضحك
وأستنى وكلى شوق
شروق شمسك
تصحى الحلم جوايا
وتغسل حزنى وأسايا
وتحضنى
أقوم أضحك
ما أنا عاشقك
أنا عاشقك
صورة أرشيفية
